Daxwiyanî û çalakî

Jinên Kobanê: Em dewleta Tirk naxwazin

Li kantona Kobanê çalakiya mertalên zindî di roja xwe ya 9`an de li gundê Ziyaretê rojavayê bajarê Kobanê bi tevlêbûna bi sedan şêniyên ku gefên Tirkiyê li dijî herêmê red dikin, berdewam e.

Jinên beşdarên çalakiya mertalên zindî ji ajansa me re axivîn û nêrînên xwe yên girêdayî tehdîtên Tirkiyê li ser herêmên Bakur û Rojhilatê Sûriyê vegotin.

Şêniya bi navê Ayşe Mihemed got: “Em ji bilî hêzên xwe yên leheng tu hêzeke din di nav xwe de qebûl nakin. Tirkiye dewleteke faşîst e û dest ji kiryarên xwe yên hovane bernade. Binpêkirinên wê yên li dijî şêniyên Efrînê, ji kuştin, revandin û koçberkirinê mînaka wê ye.”

Ayşe wiha domand: “Dewleta Tirk hewl dide ewlehiya herêmê bihejîne û destkeftiyên bi saya keda şehîdan hatine bidestxistin, bike hedef.”

Jina bi navê Rûdîn Rifat got: “Em “herêma ewle” ya ku Tirkiye propagandaya wê dike, red dikin. Em xwedî hêz û vîn in. Em tiştekî ji dewleta Tirk naxwazin. Bila tenê binpêkirin û destwerdana xwe ya di Sûriyê de bi dawî bike.”

Jina bi navê Fadîla Elî Mihemed jî û got: “Tirkiye hewl dide tevahiya herêmên ewle yên Bakur û Rojhilatê Sûriyê dagir bike. Herêmên di bin serweriya Tirk de ne ewle ne. Em jî naxwazin herêmên me mîna wan herêmên ku Tirkiyê dagir kirine, lê werin.”

Related Articles

Leave a Reply

Your email address will not be published. Required fields are marked *

Close
Close